كورسات it
مرحباً بك فى متديات IT أطيب التمنيات بقضاء وقت ممتع ومفيد

كورسات it

كل ما يتعلق بالحاسب الآلى سواء software أو hardware والشهادات الدولية كا مايكروسوفت أو أوراكل
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 اكاديميه لاشين للتدريب والتاهيل على صيانه المحمول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الزعيم



عدد الرسائل : 3
العمر : 35
تاريخ التسجيل : 18/09/2009

مُساهمةموضوع: اكاديميه لاشين للتدريب والتاهيل على صيانه المحمول   الجمعة 18 سبتمبر 2009, 8:49 am

اكاديمية لاشين
اول اكاديميه مصريه تؤهلك الى

احتراف مهنه صيانه المحمول

التتدريب داخل اقوى مراكزها فى الاسكندريه

التتدريب العملى الشاق على جميع الاعطال



هارد وير
=======
وداعا للتدريب النظرى
للتدريب على بورد تالفه
وداعا لعدم المصداقيه
التدريب من اول محاضره

على الاجهزه الحيه وبطرق علميه

وننفرد بالتعليم على الاجهزه الصينيه

التدريب على اعطال الاجهزه مثل

اعطال الباور وكيفيه تحديد العطل وكيفيه علاجه

اعطال الشبكه وكيفيه علاجها

اعطال الشحن وكيفيه علاجها

الاعطال الشائعه والنادره والخبيثه وكيفيه علاجها

واعطال الدوائر المكمله للمحمول وكيفيه علاجها
--------------------------------
اما الان نتحدث عن دوره سوفت وير
-------------------
التدريب على البوكسات الاتيه
============
بوكس التورنيدو

بوكس التويستر

بوكس الجاف

بوكس Infinty

بوكس المارتش
------------------
ويتم التدريب عليهم عن طريق

التثبيت وطريقه التفليش

وكيفيه تحديد الاعطال

وكيفيه علاج عيوب السوفت

وكيفيه علاج عيوب الهارد وير

واعطاء كل دارس كل ما يخص البوكسات

من فلاشات الى برامج الى شروحات

على ( CD ) مجانا لكل دارس

==================
كما تتقدم اكاديميه لاشين
لكل طالب تعلم فى مركز او اكاديميه

دون المستوى ولم يستفيد

من حقه ان يحصل على دوره

كامله فى الهارد وير والسوفت وير

بأجر رمزى دون اى فروق بينه وبين

الدارس العادى
=====================
كما تتشرف أكاديميه لاشين
بتقديم منحه مجانيه لاوئل الطلبه

بالعمل داخل الاسكندريه بأقوى مكاتب ومحلات الصيانه

كما تقدم الاكاديميه
شهادات معتمد
العنوان

الاسكندريه

محطه الرمل شارع شكور (محمد احمد )

فوق جراج مترو عماره الصيانه
الدور الاول علوى
والدور الثانى علوى

الاسكندريه

الازاريطه خلف معرض كوته

شارع عبد الحميد بدوى
===============

مع تحيات المدير العام للاكاديميه

ومدير عام اقسام التدريب

مهندس كريم يسرى الطنبولى

للاتصال

034874488

0106452171
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aly.nokia



عدد الرسائل : 4
العمر : 32
تاريخ التسجيل : 30/10/2009

مُساهمةموضوع: تحذير من أكادمية لآشين   الجمعة 30 أكتوبر 2009, 8:16 am

بسم الله الرحمن الرحيم والصلاة والسلام على أشرف المرسلين محمد وعلى ألة وصحبة وسلم. ثم أما بعد
أخوانى أحذركم من أكادمية لاشين أى أكادمية موجودة فى شارع شاكور بمحطة الرمل.
وسوف أحكى لكم القصة كاملة ومعى الدليل الذى يثبت على صدق أقوالى
بدأت حكايتى معها عندما كنت أشاهد التلفزيون وطبعا كنت أشاهد قناة الناس وطبعا الكل عارفها موجودة
على النيل سات وشاهدت أعلان عن أكادمية سموحة للتأهيل على صيانة المحمول طبعا أنا معيش صنعة أو مهنة أعتمد عليها .... قررت أن أخذ هذة الدورة فى هذة الآكادمية فقررت أن أعرف المزيد والمزيد عنها فتوكلت على الله وجلست فى أحدى مقاهى الآنترنت ودخلت على جوجل محرك البحث الشهير وكتبت أكادمية سموحة للتاهيل والتدريب على صيانة المحمول ..................................
وياللعجب بدلا من أن أرى مايفيدنى وجدت مايضرنى وربنا يسامح اللى كان كاتب تحذير من أكادمية سموحة
وحوالى أكتر من 1000 صفحة على جوجل كاتبين تحذير من أكادمية سموحة .... كاى شخص أرتابنى الخوف والقلق من الدخول أو الذهاب الى أكادمية سموحة وفى أحدى الصفات وخصوصا مجلة الآبتسامة وجدت أعلان عن أكادمية لاشين للتدريب على صيانة المحمول .
طبعا وأنا من سكان مدينة الآسكندرية وجدتها فرصة حقيقية بدلا من أكادمية سموحة وطبعا قلقت فى الآول من أن أذهب اليها وياريت كنت مشيت وراء الحاسة السادسة عندى .. دخلت على جوجل وكتبت أكادمية لاشين
مالقتش تحذير من أكادمية لاشين بل رأيت مواضيع عنهم مشاركين فيها فى أغلب المنتديات وطبعا لانى مش فاهم حاجة فى المحمول أنبهرت بمواضيعهم فظليت أقرأ مواضيعهم الموجودة على المنتديات وأكتشفت أن أغلب مشاركتهم أما منسوخة ومعدلة بعض الشئ وكان لازم يحط دعايا لاكادمية بتاعتة0
قولت أتوكل على الله وأذهب اليهم وأشوف النظام معاهم ماشى أزاااى أتصلت بيهم على التليفون أرضى فين وفين عبال ماردوا عليا بتاع 3 رنات كدة وفى المكالمة كنت سامع صوت دوشة وحس ناس كتير كدة وأستفسرت عن الدورات المتاحة عندهم وقاللولى سوفت وهارد بس ثمن الدورة 1500 ج يعلم ربنا عز وجل 1500 ج دولت جاءوا أزااى
طبعا حجزت معاهم على التليفون وقالوا قريب أن شاء الله يتصلوا بيا.. فضلت حوالى أسبوعين أنتظر مكالمتهم لحد مازهقت وأتصلت بيهم مرة أخرى وقالوا لى لسة بنكون مجموعة بكل ببرود أعصاب..
فى احد الايام أتصلوا بيا وحددوا معايا ميعاد للحصة المجانية تقليد لآكادمية سموحة... وذهبت فى الميعاد الذى تم تحديدة لى .
وجدت حوالى 7 أشخاص قد قدموا الى المكان الموجود فى الآزاريطة وأنتظرنا حوالى نصف ساعة لحد ماصبرى نفذ وطبعا كانوا منظفين وكانسين المكتب ولابسين اللى على الحبل بدلة وكدة حاجة شيك علشان نحكم عليهم بالمظهر وكان فية شاب روش أسمة ميدوا ربنا يسامحة كنت فاكرة راجل يقول الحق لكنة ظلمنى فى الآخر وحبقى أحكى قصتة بعدين
عجبنى الآسلوب والمظهر والطريقة اللى حاضروا المحاضرة الاولى قررت ألا أترك هذة الفرصة .
قررت أن أحجز الدورة وقالت للمهندس مش سعر الدورة غالى قالى فى أكادمية سموحة دورة السفت والهارد ب2000ج
وأنا بعملها بسعر مخفض علشان عارف الظروف اللى أحنا فيها وأسم المهندس كان كريم يسرى الطنبولى دة معاة معهد سيكلم واللى عايز يعرف معنى سيكلم يسأل علية أى أسكندرانى راح أكادمية سموحة فى التسعينيات لما كانت لسة أكادمية ومتعرفش بقى أشتغل معاهم بعد كدة مدرس هو وأحمد لاشين الموجودون حاليا فى شارع شاكور بمحطة الرمل وبعدين سابوهم ولا هما اللى سابوهم .
فاتحوا بعد كدة أكادمية وسموها على أسم لاشين أبو أحمد لاشين .
فى المحاضرة الآولى قال المهندس أن الثمن بيدفع تقسيط على ثلاث مرات الثلث فى أول أسبوع والثلث الثانى فى ثانى أسبوع والثلث الثالث فى ثالث أسبوع يعنى تدفع 500ج على ثلاث مرات دة كان الآتفاق الآول معاهم .
بأسلوبة المقنع قال أنك لازم تجيب أدوات الصيانة علشان تتعلم أكتر وتأخذ خبرة كبيرة قلت يامسهل الحال أستلفت من فلان وعلان لحد ماجبت حوالى 2000ج ثمن الدورة والعدة بالعافية وفضلت أقسط ظل يعطنى فى نظرى ونظرى لحد مازهقت من كتر النظرى وشهر مر ولسة بيحكى معايا فى انواع بورد التليفون طبعا علشان هو زكى بقى يدخلنا الورشة علشان يخلينا نمسك الهوت أير ونرفع مكونات على بورد تليفونات رايحة فى داهية ....
مر حوالى شهرين ولسة مادخلش فى أعطال بدأ بقى يبان على وشة الحقيقى بعد ماخذ الفلوس كاملة 1500+500 عدة الصيانة .
يغيب مايحضرش// ياتى متاخر/// مايجيش بالآسبوع
تسالة عن شئ يحور فى الكلام مايفهمكش أحيانا بحجة أنى بسأل أسألة غبية أو أنى مش من مستواة العقلى... اللة يسامحة بقى أهو أخد الفلوس وخلع
لحد ماتجوز كريم باشا عدى شهرين وماتصلش ولا سأل أتصلت بأحمد لاشين صاحب الآكادمية قالى أنة مايعرفش عنة حاجة وحتصل بية قعدت أيام أنتظرة أتصل بتليفونة غير متاح أتصل بالآرضى مش موجود.
رحت مكتب الصيانة اللى بيصلحوا فية التليفونات فى شارع شاكور بمحطة الرمل ولاقيت أحمد لاشين وقالتلة اية الحكاية حنكمل الدورة ولا لا

قالى مالة كريم وفضل يحور فى الكلام أنى مبجيش ومبحضرش وباجئ متاخر والكلام بتاع التهرب ...
قالتة يابشمهندس هات من الاخر حتكمل الدورة ولا لا قالى أنا أخدت منك حاجة روح خد فلوسك من اللى أخدها منك دة كلام صاحب الآكادمية العريقة



فضلت دماغى تمشى يمين وشمال وسالتة من الآخر قالى أنا سعر الدورة عندى غالية بمعنى ياباشا قال:3000ج دة سعر دورتى فضلت معاة يمين وشمال لحد ماقال خلاص أنا عندى مجموعة لسة بدأ كان فيها واحد شيخ ساكن فى كليبوترا الترام أسمة علا وواحد أسمة أبو بكر من أيتاى البارود


لاقيت أن محاضراتة سطحية جدا مابيعرفش يشرح أو أنة خايف يقول معلومة وسريع فى كلامة ومعظم كلامة سطحى
حاولت أتصاحب على العيال اللى فى الدورة وعرفت انهم بياخدوا لسة دورة هارد ودفعوا 100ج وفاضل 500ج قلتلهم أوعوا والله ماحتعرفوا تتلموا علية حيخيب وحصل اللى حصل ضغط عليهم لحد ماخذ الفلوس منهم وبيعد كدة غنوا ظلموة فاضلنا انا والعيال كعب دارى بين محطة الرمل والازاريطة ندور علية.... وفى الآخر قال أنة تعبان وحيريح كدة بتاع شهر .


أستنيت شهر ورحت لقيت اية العز اللى فية دة مكتب أخر قبها رخام فى سراميك وأخر نظافة شكلها شعشعت معاة
والعيشة أستريحتوسعر الدورات بقى غالى جدا لدرجة أنها أكتر من سموحة

مالقتهوش أتصلت بية ماردش أتصلت تانى وتالت لحد مارد وفى الآخر نفس الدوامة ونفس الحوار

بسم اللة الرحمن الرحيم
(إن الذين يأكلون أموال اليتامى ظلما، إنما يأكلون في بطونهم نارا وسيصلون سعيرا). صدق اللة العظيم

megaupload.com 5cm0jnei

حسبى الله ونعم الوكيل فيك ياكريم انت واحمد لاشين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aly.nokia



عدد الرسائل : 4
العمر : 32
تاريخ التسجيل : 30/10/2009

مُساهمةموضوع: رد: اكاديميه لاشين للتدريب والتاهيل على صيانه المحمول   الأحد 06 يونيو 2010, 7:22 am

السلام عليكم ورحمة الله وبركاتة
أخوانى أعضاء ومشرفين المنتدى
تحية طيبة وبعد
الآخ كريم يسرى الطنبولى لقد قرأت الرد الخاص بك بخصوص التحذير الذى كتبة عن أكادمية لاشين واحب أن أرد على سيادتك
أن كل ماكتبتة ويعلم الله عز وجل أنى صادق فى كلامى 100% والحمد لله اننى لست بكاذب ولا حاقد وشكر لسيادتك على الآهتمام والرد على موضوعى
وسوف اشرح لآخوانى بالتفصيل قارئ هذا الموضوع على تجربتى الفاشلة معك فى أكادمية لآشين
أولا:

سيادتك أنا كنت طالب فى أكادميتك وعندما حضرت عندك لاخذ دورة فى صيانة المحمول بعد تخرجى من الجامعة طلبت منى مبلغ
1500ج
ثمن الدورة وطبعا لآننى فى موقف محرج للغاية بصعوبة طلبت منك تقسيط المبلغ وحضرتك حصلت على المبلغ + 450 ج ثمن العدة بعد مأقنعتنى أنى لازم اجيبها ودفعتلك الفلوس .


ثانيا:

حضرتك ذكرت فى ردك أنك
تعلم بمنهج معتمد من وزاره الخارجيه ومركزخدمه المجتمح ووزاره الصناعه وتخرج طلاب على اعلى
مستوى من العلم والحرفه وتستطيع ان تتوصل لحل اى عطل فى اجهزه المحمول مهما كان العطل ومهما كان نوع الجهاز بفضل الله


الرد على مقولتك
أ- انك معندكش منهج ولا كتاب معتمد من وزارة الخارجية (دى اول كدبة)
أعتماد الكتب والمناهج من وزارة التربية والتعليم أو من وزارة التعليم العالى.
ب- بالنسبة للشاهدات والآعتماد من وزارة الخارجية ووزارة الصناعة ومركز خدمة المجتمع دة موضوع سهل جدا والكثير ممكن يفتح أكادميات والمطلوب
1- شقة أيجار فى حى راقى 2- يافطة عليها أسم الآكادمية 3- بعض أجهزة الصيانة 4- شوية دعاية
واللى عايز يتأكد من كلامى يمشى فى شارع شاكور بمحطة الرمل وحيلاقى أكتر من عشرين (20) أكادمية موجودة والعدد فى أزدياد.
(دى ثانى كدبة)
ج- حضرتك ذكرت أنك (تخرج طلاب على اعلى
مستوى من العلم والحرفه وتستطيع ان تتوصل لحل اى عطل فى اجهزه المحمول مهما كان العطل ومهما كان نوع الجهاز بفضل الله)

أنا واحد من الناس اللى أنتصب عليهم من سيادتك ومشفتش التخرج ولكل أسف كنت طالب فى أكادميتك وسأشرح أزااى تخرج طلاب على أعلى مستوى

1- مكانك فى الازاريطة شقة ايجار عبارة عن 3 غرف + مطبخ وحمام (الآزاريطة هى احدى المناطق الراقية بالآسكندرية) بها مكتب لآستقبال الضحايا وزى مانطلق علية الرسيبشن وغرفة لاتتعدى 8م ماتستحملش أكتر من 5 أفراد بها أجهزة هوت أير عدى عليها الزمن والصدأ انتشر فيها وطريبزة بها بورد محمول وأصحاب المهنة يقولوا (بورد تخريط)

2- ذكرت أنك تخرج طلاب على أعلى مستوى من الحرفة وتسطتيع أن تتواصل معاهم وطبعا دى (الكدبة الكبرى) لان مافيش حد من أساسة أتخرج من عندك بعد ماتلهف الفلوس
وحنعطى مثال:

فى البداية يأتى أى فرد (طالب) من الآسكندرية أومن أى محافظة أخرى من جمهورية مصر العربية وحظة أسود لو من دولة عربية بتعملوا البحر طحينة زى مابيقول المثل الشعبى ( يوديك البحر ويرجعك عطشان) ، أزاااى
طبعا بتعمل أول محاضرة مجانية ودة تقليد بتعملة أى أكادمية او معهد تعليمى وتشرح بضمير أووى وأى حد يسألك سؤال بتكون صدرك واسع وتجاوب من قلبك .
بعد كدة فى نهاية المحاضرة تقول أى حد عايز يسأل سؤال أو يستفسر عن سؤال علشان تعرف مين اللى عايز يحجز عندك
ويبدا الحجز فية بقى اللى يدفعلك الفوس كاش وفية اللى يقسط بتقولة التقسيط على ثلاث مرات وبعد كدة تغطس ومحدش يشوفك وناخذها كعب رايح جاى بين الآزاريطة ومحطة الرمل ندور على سيادتك
3- أسلوبك فى الشرح
أولا :حضرتك غير مؤهل ولست تربوى أو جامعى ولست خريج كلية هندسة كما تتدعى وهذة
(الكذبة الرابعة)
ثانيا: فى محاضراتك تقوم بشرح المبادئ الآلكترونية لبوردة المحمول فترة كبيرة تتعدى أكثر من شهر حتى يزهق الطالب وبذلك تكون تجاوزت المدة الزمنية شهر ونصف التى تتدعى أنك حتخرج محترف صيانة
(الكذبة الخامسة)
ثالثا: تتسم بأسلوب من الكبر والتعالى على الطلبة (من تواضع لله رفعة) يعنى لو حد سألك أنا مش فاهم وأخدت منة الفلوس كاش تنفضلة ومتردش علية أو تسخر منة بأسلوب ساذج (الكذبة السادسة)
و- سيادتك ذكرت فى موضوعك
(شعارنا دائما هو إسم يستحق الثقه لاننا نتقى الله قبل اى
شئ ولا نخاف من عبد ونتحرى الحرام والحلال فأخى الغالى
أتقى الله فى ما تقوله وما تفتريه على الناس لانك لا تقول
الحق والله يقول حرمت الظلم على نفسى وجعلته بينكم محرما
فكيف تظلم وتعلم ان فى اخره ونار سوف تحاسب فيها)
1- بالنسبة للآسم فهو معروف لدى الجميع من هى أكادمية لآشين أسم لا يستحق الثقة ومثال
دة رقم تليفون طالب أسمة حاتم من البحيرة كان بياخد الدورة عند كريم يسرى أتصلوا بية وهو يقولكم الحقيقة 0106988682 بعد ماأخد الفلوس ظل معاة سنة ونصف يدور علية
ودة رقم تليفون أستاذ طارق بطيخ من الآسكندرية برضك كان بياخد دورة عندة أسالوة وهو يقولكم الحقيقة 0113477249
اذن حضرتك تقول تتحرى الحرام
اولا :أنت تشترى تليفونات مسروقة وتتاجر فيها(التخريط)
ثانيا: تأكل أموال اليتامى وانا من ضمنهم
ثالثا : اذا جاء اليك طالب وأخذت منة الفلوس وفضل يدور عليك من وراء ظهرة تقول أنة حرامى وسرق من عندى تليفونات مثال الطالب حاتم ويعلم الله كم ان هذا الرجل شريف ويحافظ على صلاتة ويقابلة عادى وكان مافيش أى حاجة على رأى المثل الشعبى (الحرامى بيشوف الناس حرامية زية)
رابعا: حضرتك تقول كيف أظلمك ؟ وانت ظالمنى واخد منى 1500ج وفضلت تحور لحد ماتجوزت بفلوس الطلبة وفلوسى.
(الكدبة السابعة)
د- حضرتك ذكرت
لا نحتاج الى دعايه للاكاديميه ولا انا احتاج ان اقول انى بريئ وأنك كداب لانك من الواضح انك تشكر فى اكاديميه سموحه
1- أذن انت تقول انك لاتحتاج الى دعايا للآكادمية
فلماذا كل الدعايا الموجودة عنك على الآنترنت؟ وكيف عثرنا
عليك أنا والطلبة المنصوب عليهم؟
برضك من النت وأعلاناتك؟

(الكدبة الثامنة)
2- تتهمنى بالكدب (الله يسامحك)
---->حسبى الله ونعم الوكيل
3- تقول أنى بشكر فى أكادمية سموحة
اولا: أنت كنت طالب فى أكادمية سموحة فى التسعنيات من القرن الماضى وتخرجت منها وذهبت لآسأل عن أسمك وجدتة موجود فى أرشيف الطلبة وقالوا لى أنك كنت طالب فاشل .
ثانيا: أكادمية سموحة أفضل من أكادميتك أقول لحضرتك لماذا؟
مؤسسة معروفة مبتخرجش طالب الا وهو عارف كل شئ بالرغم انى مختلف معاها فى بعض القضايا على الاقل لو مهندس مجاش أو الطلبة مفهموش حاجة من المهندس بيتعاقف مش كعب دارى ورا حضرتك نتحايل عليك علشان ناخد الدورة وبيكونزا مهندسين متفرغين للتعليم مش فاتحين محلات صيانة .
أو زى حضرتك شغال فى شركة بترول 15 يوم فى الشركة و15 تدى دورات.
ن-ذكرت انى
أقلل من شأن اكاديميه لاشين وشانى والموضوع واضح للجميع
لان اسمى معروف على النت بأسم الزعيم واقوى المواضيع باسمى مش مثل ما تقول انى بأخد المواضيع من اعضاء وانسبها لنفسى ونسبه الردود على الاعطال تصل الى 85% وتكون الردود بالصور وبأسهل طريقه للحل عن طريق الخبره والعلم وتكون من اقوى الردود
على النت والكل يعرف هذا والحمد لله مش محتاج معرفه ولا
برده الردود واخدها من اعضاء وبرد بيها على الاعضاء طيب وعند اتصال احد الاعضاء بى على الهاتف باخد الرد من مين؟؟؟؟؟؟؟
أولا: دى حقيقة انى أقلل من شان أكادمية لاشين علشان ماحدش يقع فى مصيدة النصب لان القانون( لا يحمى المغفلين).
ثانيا: أسمك معروف بأسم الزعيم ومواضيعك منشورة على النت بأسم الزعيم
طب لية مش منشورة بأسم كريم يسرى؟
عادى ممكن أعمل أكونت فى كذا منتدى بأسم الباشا وأنقل مواضيع من مختلف المنتديات وأكتبها بأسمى
ويبقى كدة يبقى ليا اسم دى مش معجزة ياكريم
مانكرش انك صنيعى اتعلمت الصنعة من أحمد لاشين صاحب الآكادمية اللى كان بيشتغل مهندس فى أكادمية سموحة ومعرفش السبب الى خلاة يسبها والله أعلم.
سؤال أخير
حضرتك لو أتصلت بيك حتردى مبلغ 1500ج؟
حتحلى مشكلتى؟ وتديلى الفلوس اللى أنا مديون بيها لحد دلوقتى؟
أنا بتصل بيك على رقمك مقفول وشكرا
على فكرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اكاديميه لاشين للتدريب والتاهيل على صيانه المحمول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كورسات it :: المنتديات العامة :: المنتدى الإعلامى-
انتقل الى: